Pjetur Hafstein Lárusson

Ljóðheimar og sagna
vefsíða Pjeturs Hafsteins Lárussonar

SMÁSÖGUR
SHORT STORIES

	BRÉFIÐ
	DAUÐI LIFANDI MANNS
	BRÚSAPALLURINN
	REFSINGIN
	NÓTTIN OG ALVERAN
	STRAFFET, EN NOVELL
	DIE STRAFE
	EL CUENTO LA CONDENA
	SMÁSÖGUR FRÁ GEORGÍU

FRUMORT LJÓÐ

	FRUMORTAR TÖNKUR
	HÆKUR FRÁ VÍÐUM VÖLLUM
	HÆKUR FRÁ SLÉTTUNNI
	HÆKUR UM TÍMA I
	HÆKUR UM TÍMA II
	MÁNALJÓÐ
	VÖKUBORG & DRAUMS (ÚRDRÁTTUR)

LJÓÐAÞÝÐINGAR

	ÞÝÐINGAR Á SÆNSKUM LJÓÐUM
	ÞÝÐINGAR Á JAPÖNSKUM LJÓÐUM
	ÞÝÐINGAR Á FORNUM KÍNVERSKUM LJÓÐUM
	ENGLISH TRANSLATIONS OF POETRY BY PJETUR HAFSTEIN LÁRUSSON
	HAIKUS BY PJETUR HAFSTEIN, ENGLISH TRANSLATION BY KARL GUDMUNDSSON
	POESI AV PJETUR HAFSTEIN LÁRUSSON

ÚR DJÚPI ALDANNA
(ÞJÓÐLEGUR FRÓÐLEIKUR)

SVARTHOLSBRAGUR

ANNAÐ

ÚTGEFIN VERK

VATNSLITAMYNDIR (WATERCOLOUR PAINTINGS)

LJÓSMYNDIR (PHOTOGRAPHS)

MYNDLISTARVERK

	ELÍN PJET. BJARNASON MYNDLISTARKONA
	EINAR HÁKONARSON MYNDLISTARMAÐUR

UM SKÁLD OG SKÁLDSKAP

STEINN STEINARR

JÚLÍ 2012 - LJÓÐASAFN OG SAGNA 1972 - 2012

Skyldi skáldskapur vera nokkuð annað, en leit mannsins að kjarnanum í sjálfum sér? Sennilega ekki. Þessi leit Pjeturs Hafsteins Lárussonar hefur nú staðið í fjörutíu ár, en fyrsta bók hans, ljóðabókin Leit að línum kom út árið 1972. Síðan hefur hann sent frá sér allmargar bækur með frumortum ljóðum, fáein þýðingarsöfn og eitt smásagnasafn, auk nokkurra rita handan skáldskapar.

Í þessari bók birtast vörður á þeirri leið, sem leit Pjeturs að kjarnanum hefur legið.

Bókaútgáfan Skrudda gefur bókina út.

JÚNÍ 2009 - Fjallakúnstner segir frá - samtalsbók við stefán frá möðrudal

      Maður við aldur, en þó kvikur í hreyfingum, gengur um bæinn með sendilshjól í gömlum stíl sér við hlið. Ekki er óalgengt að orfi og hrífu sé haganlega komið fyrir á hjólinu. Hér fer bóndi, að vísu ekki sá eini í Reykjavík en að ýmsu leyti sá sérstæðasti, þó ekki væri nema fyrir það að enga á hann spilduna. Ein tugga slegin hér, önnur þar. Þó fá hrossin sitt.
      En þessi maður er ekki aðeins malarbóndi. Hann er jafnframt listmálari án sálufélags við aðra slíka. Stefán heitir sá sem um er rætt, jafnan kenndur við Möðrudal á Fjöllum.Fjallakúnstnerinn Stefán frá Möðrudal – rótlaust lífstré kynborins sonar íslenskra öræfa hefur víða farið og fæstir hafa gert sér grein fyrir kjöviði undir hrjúfum berkinum. Listsköpun Stefáns ber svip hrikalegrar náttúru Möðrudalsöræfa, oft í tröllslíki.
      Hér birtist á nýjan leik samtalsbók Pjeturs Hafstein Lárussonar við Stefán frá Möðrudal, sem Örn & Örlygur gáfu út árið 1980. Óhætt er að kalla Stefán frá Möðrudal í senn kynlegan kvist og einn merkasta fulltrúa íslenskrar alþýðumenningar á síðustu öld.

Bókaútgáfan Skrudda stendur að baki þessari endurútgáfu.

JÚLÍ 2006 - VÖKUBORG & DRAUMS - LJÓÐ

Pjetur Hafstein Lárusson hefur sent frá sér á þriðja tug bóka, þar af 14 frumsamdar ljóðabækur. Í ljóðunum sem hér birtast er brugðið upp myndum af mannlífi Reykjavíkur allt fra miðri 18. öld og til okkar tíma. Ljóslifandi verður fyrir lesandanum fólk, sem margir kannast við, og götum lýst sem flestir þekkja.
Skemmtilegar vangaveltur um árstíðirnar sitja eftir í hugskoti lesandans, auk þess sem brugðið er upp myndum héðan og þaðan úr borginni:
Skyldi Reykjavík ekki vera borg, heldur umgjörð um Tjörnina, eins og haldið er fram í einu ljóði þessarar bókar?

HUGLEIÐINGAR VIÐ TJÖRNINA

Sé alls gætt er Reykjavík ekki borg
heldur umgjörð um Tjörnina.
Þeir sem leið eiga um
varpa skugga sínum
á bakka Tjarnarinnar
og sumir spegla mynd sína
í vatnsfleti hennar.

Að ferðalokum hverfa þessar myndir
þó ekki allar.

Útgefandi er bókaútgáfan Salka.

SEPTEMBER 2004 - NÓTTIN OG ALVERAN - SMÁSAGNASAFN

Í september 2004 kom út smásagnasafnið Nóttin og alveran eftir Pjetur Hafstein Lárusson, myndskreytt af Einari Hákonarsyni. Útgefandi er Salka. Á bókarkápu segir: Nóttin og alveran er safn 11 smásagna. Þær eiga það allar sameiginlegt að fjalla um einsemd mannsins — sem á það til að leita svo sterkt á sálina að hann kýs að sitja hjá og virða fyrir sér sjónarspil heimsins. „Málið snýst þá augljóslega ekki um mig, þegar öllu er á botninn hvolft, heldur um manninn í næsta húsi." Lífslánið er hverfult; tímaskynið svikult þótt sláttur hinnar dimmhljóma klukku drynji með reglulegu millibili, ástinni skyldi enginn treysta — jafnvel ofurást getur umsnúist í skefjalaust hatur, og ekki er allt sem sýnist þótt sjónin virðist í góðu lagi.
Í þessum beittu sögum getur hver og einn þekkt sitthvað í sjálfum sér — hversdagsleikann í einhverri mynd og óvænt eða stundum ógnvekjandi atvik sem krydda hann sérhvern dag.
Pjetur Hafstein Lárusson er kunnur af ljóðagerð og þýðingum, hér sýnir hann á sér nýja hlið í hinu knappa formi smásögunnar og kemur lesandanum oftar en ekki á óvart.
Einar Hákonarson gæðir sögurnar nýrri vídd með glæsilegum myndskreytingum.

Að lokum má geta þess, að nokkrar smásagnanna hér á heimasíðunni eru í bókinni.

ÁGÚST 2004 - HVERAGERÐISSKÁLDIN 1933 - 1974

Þann 14. ágúst 2004 kom út bókin Hveragerðisskáldin 1933 — 1974 í samantekt Pjeturs Hafsteins Lárussonar.
Í bókinni eru ljóð, lausavísur, smásögur, sagnaþættir og greinar eftir gömlu Hveragerðisskáldin, auk inngangs Pjeturs og viðtals hans við Aðalstein Steindórsson. Eftirfarandi skáld og rithöfundar eiga efni í bókinni: Ásgeir Jónsson, Gunnar Benediktsson, Hannes Sigfússon, séra Helgi Sveinsson, Jóhannes úr Kötlum, Kári Tryggvason, Kristján Bender, Kristján frá Djúpalæk, Kristmann Guðmundsson, Ragnar Ásgeirsson og Valdís Halldórsdóttir. Þessir höfundar eiga það sameiginlegt, að hafa búið í Hveragerði um lengri eða skemmri tíma á þeim árum, þegar skáld og listamenn settu svip sinn á þorpið. Útgefandi bókarinnar er Hveragerðisbær. Söluhagnaður rennur til íþrótta- og æskulýðsmála í bænum.

OKTÓBER 2003 - ný ljóðabók eftir Pjetur Hafstein Lárusson

Út er komin ljóðabókin Austan mána en í henni eru ljóðaþýðingar eftir Pjetur Hafstein Lárusson. Útgefandi er Bókaútgáfan Salka. Í bókinni eru þýðingar á kínverskum ljóðum frá 8. öld, eftir höfuðskáld Kína, þá Lí Po, Tú Fú, Vang Vei og Meng Hao-jan. Þá eru í bókinni þýdd japönsk ástarljóð í tönkuformi, flest forn, en einnig frá síðustu öld.
Japönsku skáldin, sem þarna má sjá verk eftir eru: Kakinomoto No Hitomaro, Ono No Komachi, Izumi Shikibu, Akazome Emon, Yosano Akiki og Yamakawa Tomiki. Öll eru japönsku skáldin konur, utan Kakinomoto No Hitomaro.

Ágúst 2002 - ný ljóðabók eftir Pjetur Hafstein Lárusson

Út er komin ljóðabókin Hækur frá sléttunni eftir Pjetur Hafstein Lárusson. Í þessari bók er að finna þær hækur sem birtast hér á vefsíðunni undir sama titli auk u.þ.b. 20 til viðbótar, sem eins og hinar fjalla um Hveragerði og nágrenni. Hans Christiansen gerði kápumynd. Bókaútgáfan Hólakot gefur bókina út. Bókin fæst hjá höfundi og kostar 1.000 kr. Panta má hana í síma 483-5115 og 895-6882 eða með því að senda tölvupóst á pjetur@internet.is.

NÓVEMBER 2002 - ný SAMTALSBÓK eftir Pjetur Hafstein LárussON
Útgefandi: Bókaútgáfan Skjaldborg

Í nóvember 2002 kom út samtalsbókin Frá liðnum tímum og líðandi eftir Pjetur Hafstein Lárusson. Í bókinni ræðir hann við fjóra valinkunna sómamenn, þá Davíð Davíðsson prófessor, Jóhann Pétursson, rithöfund, fyrrum vitavörð á Hornbjargi og bóksala, Jón frá Pálmholti, skáld og fyrrum formann Leigjendasamtakanna og Vilhjálm Eyjólfsson, bónda og fyrrum hreppstjóra á Hnausum í Meðallandi. Allir hafa þessir kappar frá ýmsu að segja, enda einarðir menn og ekkert gefnir fyrir það nútímapjatt, að skafa utan af hlutunum.

Áleiðis nótt eftir Pjetur Hafstein Lárusson

Árið 1998 kom út ljóðabókin „Áleiðis nótt" eftir Pjetur Hafstein Lárusson. Valdimar Tómasson gaf bókina út, en hönnun annaðist Haraldur Guðbergsson. Bókin var prentuð í Prenthúsinu ehf. Reykjavík. Í bókinni eru 24 ljóð og birtast hér nokkur þeirra.

Smellið hér til að sjá nokkur þeirra ljóða sem í bókinni eru.